Танымал отандық журналист Дина Елгезек Арыстанбек Мұхамедиұлына үкім шыққаннан кейінгі баласының әрекетіне қатысты фейсбук парақшасында пікір білдірді, деп жазды KYN.KZ тілшісі.
"Көзіме жас келді. 8 жылға сотталып кеткен әкесі үшін емес, шыр-шыр еткен ұлы үшін.
Қоғам үшін әрине жемқор атаулы зәлім, ал перзент үшін әке - мінсіз адам.
Ұрпағың қорланбасын десең, жемқорлыққа барма!
Осы сурет дәуірі аяқталмаған жүйенің жемқорларына ой салса екен…", деп жазды журналист.
Естеріңізге сала кетейік Елордадағы Байқоңыр ауданы №2 сотында Ұлттық музейдің бұрынғы директоры Арыстанбек Мұхамедиұлына қатысты үкім шықты. Ол 8 жылға сотталды. Арыстанбек Мұхамедиұлы бұрынғы орынбасары Алмаз Нұразхан мен тағы екі айыпталушы Азамат Көшенов пен Айым Сәдуақасова «Алтын адам шеруі» көрмесін өткізуге бөлінген 221 миллион 411 мың 730 теңге қаржы жымқырды деген айыппен қамауға алынды.
Келесі мақала
Абай Бегей итіне 300 мыңға үйшік салдырғанын айтты
Ұқсас жаңалықтар
