Парламент Мәжілісінің депутаты Руслан Берденов журналист Нұрсейіт Жылқышыбайға берген сұхбатында мемлекет тарапынан беретін тегін үйдің сапасына байланысты пікір білдірді, деп жазды KYN.KZ тілшісі. "Бала-шағама, отбасыма, самолеттерге кететін айлық шығыным 10 млн теңге. Депутаттарға тегін үй беріледі. Бірақ мен ол үйде тұрмаймын. Себебі, ол үйде тұру мүмкін емес. Өте ескі, жиһаздары 20-25 жыл бұрынғы. Мен өмір бойы жағдайымды жақсартуға, комфортқа жүрген адаммын.  Жұмыс орнымыздың да жиһаздары ескі. Сол үшін мен жұмысымыз да оңай емес хотя бы тұратын жерім дұрыс болсын дедім. Қазір жалға берілетін пәтерде айына 1 млн теңге төлеп тұрып жатырмын. Бізге көлік те берілмейді. 10-15 көлік таксопарк сияқты тұрады, егер бос көлік болса жұмыс бабымен қолдана аласын. Көбінесе ол да бос болмайды. Айлығымыз 830 мың теңге. Біздің партиияның мүшелерінің көбі айлықтан да бас тартты. Ол айлық қайырымдылыққа жіберіледі", - деді депутат.