Биыл грант конкурсына қатысу үшін өтініш 13-20 шілде аралығында қабылданады. Бұл туралы ғылым және жоғары білім вице-министрі Қуаныш Ерғалиев мәлімдеді, деп хабарлайды КҮН.КЗ тілшісі Sputnik Қазақстан-ға сілтеме жасап.
Оның айтуынша, грантқа өтініш қабылдау осы аптада басталады. Талапкерлер еGov порталы, университеттің өзіне бару және ЖОО-ның виртуалды қабылдау комиссиялары арқылы құжат тапсыра алады.
"Биыл грант конкурсына қатысу үшін өтініш қабылдау науқаны 13-20 шілде аралығында жүргізіледі. Алыс аймақтарда тұратын талапкерлерге ыңғайлы болу үшін биыл еGov электронды үкімет порталы арқылы онлайн өтініш қабылдаймыз. Сонымен қатар құжаттарын дәстүрлі форматта, яғни офлайн тапсырғысы келетіндер университетке келе алады, онда қабылдау комиссиялары жұмыс істейді.
Бұған қоса, университеттердің виртиуалды қабылдау комиссиялары да жұмыс істейді", - деді Ерғалиев орталық коммуникациялар қызметінде өткен баспасөз мәслихатында.
Ол биыл бакалавриатқа 73 мың грант бөлінгенін атап өтті. Барлық гранттың 60%-ы техникалық мамандықтарға бөлінген.
Сондай-ақ халық тығыз қоныстанған батыс және жаңадан құрылған өңірлердің жастары үшін арнайы гранттар қарастырылып отыр:
Атырау облысы – 1500,
Маңғыстау облысы – 1500,
Ұлытау облысы – 300,
Жетісу облысы – 300,
Абай облысы – 500,
Шымкент – 400,
Түркістан облысы – 500.
Бұл гранттар педагогикалық, инженерлік, IT мамандықтарға және жаратылыстану ғылымдарына бөлінген.
Алдыңғы мақала
Ұқсас жаңалықтар
