Алматының мамандандырылған ауданаралық соты қаладағы әуежай ғимараты мен диспетчерлік қызметке шабуыл жасау және басып алу ісіне қатысты үкімнің видео түсіндірмесін жариялады.
"Сот азамат Т. мен азамат Н.-ның 2022 жылдың 5 қаңтарында Алматы қаласының ғимаратында жаппай тәртіпсіздік ұйымдастырғанын анықтады, оның соңы мүлікті өртеп, қиратып, ойрандаумен аяқталған. Әуежайда оларға азамат Д., Ш. және К. қосылған", - делінген соттың видео түсініктемесінде.
Бұл адамдар ҰҚШҰ әскері мінген ұшақтар қалаға келетінін біліп, бұған жол бермеуге шешім қабылдаған. Олар диспетчерлік қызметтің ғимаратына шабуыл жасаған.
"Одан әрі қызметкерлерден ұшақтың қонуына жол бермеу үшін ұшу-қону жолағыныңжарығын өшіруді талап еткен. Сол сәтте ұшақта болған азаматтардың өміріне нақты қауіп төнді", - деп жалғастырды сот.
Ведомствоның мәліметінше, шабуыл кезінде айыпталушылар қызметтік көліктерді айдап әкетіп, қызметтік радиостанцияларды ашықтан-ашық ұрлаған.
