Басты жаңалықтар
Боксшы Шүменов Астанада баласын шырылдатып тұрып әкесін соққыға жықты
- автор kyn.kz
- 12 шілде, 2023
- 963
![Боксшы Шүменов Астанада баласын шырылдатып тұрып әкесін соққыға жықты](https://kyn.kz/uploads/resized-images/2023/07/shumenov1.jpg)
Көпшілік видеоны көріп жаға ұстаған. Бірақ кішкентай баланы жылатып тұрып әкесін ұрған адам спортшы деп еш ойламаған еді
Бұрынғы әлем чемпионы Бейбіт Шүменов Астанадағы мейрамханалардың бірінде тұрғынды соққыға жыққан, деп хабарлайды KYN.KZ тілшісі.
Астана қаласы полиция департаментінің дерегінше, 18 маусым күні 102 пультіне «Мега Силкуей» сауда ойын-сауық орталығынан екі ер адамның жұдырықтасып қалғаны туралы хабарлама түскен.
Оқиға орнына келген құқық қорғау қызметкерлері қазақстандық боксшы Бейбіт Шүменов пен Астана тұрғыны Әзизбек Қадыров деген азаматтың төбелескенін анықтады. Елорда тұрғыны дене жарақатын алған. Ол сот-медициналық сараптамаға жіберілді.
Олардың төбелесіне балаларының ойын алаңында жанжалдасып қалғаны себеп болған. Әкелері араша түсем деп, керісіп, ақыры төбелесіп тынған.
Бұл оқиға видеоға түсіп қалды, кейін әлеуметтік желіге тарады.
Полиция бұзақылық бабы бойынша істі тіркеген.
Айта кетсек, ауырлығы орташа қылмыс жасаған адам 2 мың АЕК-ке дейін айыппұлмен немесе түзеу, қоғамдық жұмыстарға тарту, 2 жылға дейін бас бостандығынан айырумен жазаланады.
Ұқсас жаңалықтар
Басты жаңалықтар
Түркістан облысында 7 мың адамды жұмыспен қамтитын жылыжай салынып жатыр
- авторkyn.kz
- 7 қыркүйек, 2024