Алматыда жас ана өзіне қол салып мерт болды, деп жазды KYN.KZ  тілшісі.  Қоғам белсендісі Жібек Аменова желідегі парақшасында Мамыр ықшамауданында әйел суицид жасағанын хабарлады. Оның сөзінше әйел үш баласының көзінше асылып қалған. Көршілері марқұмның күнделікті отбасында қысым көріп, таяқталып, көмек сұрап жүретінін айтқан. Жергілікті полиция бұл қайғылы жағдайдың тіркеуге алынып, сот алды тергеу басталып кеткенін  хабарлаған. Қазір  Әуезов аудандық полициялары 1994 жылы туған марқұмның өлім себебі бойынша қарқынды жұмыс істеп жатқанын айтқан. Іс  105 бап яғни өзін-өзі өлтіруге жеткізу бойынша қаралып жатыр. Көршілері оның Қырғызстаннан келгенін, алматыда жақындары жоғын, есімі- айпері екенін айтқан.