Алматыдағы Көк базар маңынан әйел адамның денесі табылды.  Оқиға куәгерлері марқұмның осыған дейін бірнеше күн қатарынан көшеде түнеп жүргенін айтқан. Олардың сөзінше әйелді күйеуі аяусыз соғып, үйіне кіргізбей қойған. Сол маңда тұратын келіншек бірер сағат бұрын онымен тілдесіп, су алып бергенін айтқан. Әйел қайтыс болған сәтте полицейлем мен дәрігерлер оны тексерген. Дәрігер қорытындысы бойынша мәйіттен спирттің иісі шығып тұрған. Бірақ денесінде азаптау белгілері болмаған.