Талдықорғанда белгілі журналист Сандуғаш Дүйсенова ұсталды, деп жазды KYN.KZ  тілшісі Sputnik  сайтына сілтеме жасап.

Жетісу облысы полиция департаментінің хабарлауынша, 11 тамызда журналист Сандуғаш Дүйсенова Қылмыстық кодекстің 147-бабы 5-бөлігі бойынша ұсталды.

"Бұл бап бойынша жеке өмір туралы ақпаратты, соның ішінде жеке немесе отбасылық құпияны көпшілік алдында, жұмыста, бұқаралық ақпарат құралдарында, телекоммуникация желілері арқылы таратқаны үшін жауапкершілік қарастырылған", - делінген хабарламада.

Журналист қалалық полиция басқармасына жеткізілген. Ол кінәсін мойындап, процесуалдық іс-шаралар өткізілгеннен кейін ешқайда кетпеу туралы қолхатпен босатылған.

Тергеу облыстық полиция департаментінің бақылауында. Өзге ақпарат тергеу мүддесі үшін жария етілмейді, деп атап өтті полициядағылар.