Оны өлтіргендер тірі жүр: Спорт журналисті Амангелді Сейтханның өліміне қатысты бар шындықты жайып салды
- автор Анар
- 17 тамыз, 2023
- 25.5k
![Оны өлтіргендер тірі жүр: Спорт журналисті Амангелді Сейтханның өліміне қатысты бар шындықты жайып салды](https://kyn.kz/uploads/resized-images/2023/08/1692262640.jpg)
Спорт журналисі Аслан Қаженов Амангелді Сейітханға қатысты көпшілік біле бермейтін жәйттарды әлеуметтік желідегі парақшасында мәлімдеді, деп жазды KYN.KZ тілшісі.
"Олар әлі талай адамды жалмайды...
Жақында Қазақ Радиосындағы "Бестселлер" бағдарламасына сұхбат бердім. Әңгімеміз бір кезде Амангелді Сейтханға бұрылды. Оның ішінде Аман ағаның тікелей эфирден шеттетіліп, комментатор болуына кедергілер айтыла бастады. Бұл енді көпшілікке белгілі жәйт қой. Плюс өзім біліп жүрген, бірақ, көбі біле бермейтін жағдайларды да айттым.
Мәселен, 2016-2017 жылдарға дейін микрофон ұстап, бізбен бірге "поляда" жүрді. Оны қызметте өсірмеу туралы тікелей бұйрық болды. Шетелдегі спорттық шараларға баруына мүмкіндік бермеді. Амалсыз, жұмыстан уақытша шығып, федерацияға не министрлікке келісіммен жұмысқа тұрады. Сөйтіп, солардың атынан ғана барып жүргенін көрдім. Редактор болған кезінде мәтінді өзгертуге, тіпті, эфирдегі материалға тиісуге тыйым салды",- деп жазды Аслан Қаженов.
Сонымен қатар журналист марқұмның жолын кескендердің кім екенін де жасырмады.
"Осы бар, өзгесі бар, барлығын жасап жатқан боғымен жасты қыз-жігіттер. Әрине, моральдық тұрғыда ауыр. Ағамыздың кемшілігі - соның бәрін ішінде сақтады. Ашық айтпады. Шерін тарқатпады. Соңында қайтыс болуына да сол түрткі деп ойлаймын. Өйткені, ковид кезінде осындай жаралардың беті ашылып, барлық ауру қозады ғой. Қысқасы, сөйтіп, Амангелді Сейтханды өлтірді. Ащылау болса да, ашығы осы ғой. Енді одан жақсы адам таппай жүрміз.
Қалай болғанда да, Амангелді өз биігінде қалды. Оның есімін де, еңбегін де көпшілік жақсы біледі. Біз тұрғанда насихаттала береді де. Ал, оның балағынан тартып, жан-жағынан жұлмалаған кімдер? Оларды ешкім білмейді. Олар әлі тірі жүр. Олар солай өмірден өтеді де. Өкініштісі, Амангелді Сейітхан сияқты талай адамды жалмап кетеді. Оларда өкініш болмайды. Олардың миссиясы сол ғана. Олардың қолынан басқа ештеңе келмейді. Радиодағы сұхбатты осындай ойлармен түйіндедім...",- дейді ол.
Ұқсас жаңалықтар
Түркістан облысында 7 мың адамды жұмыспен қамтитын жылыжай салынып жатыр
- авторkyn.kz
- 7 қыркүйек, 2024