Алматылықтарды қаланың кейбір жанармай құю бекеттеріндегі АИ-95 бензинінің бағасы таң қалдырды. Осыған байланысты жанар-жағармай бағасы да қымбаттаған, деп жазды KYN.KZ  сайты kaz.nur.kz  сайтына сілтеме жасап.

Алматылық көлік жүргізушілер "Газпромнефть" компаниясына қарасты кейбір жанар-жағармай құю бекеттерінің ақпараттық таблоидтарында АИ-95 маркалы бензиннің бір литрі 385 теңгеге жеткенін байқады.

Бұл ретте АИ-92 литрі 205 теңгеден, дизель отыны 295 теңгеден сатылуда. Сондай-ақ кейбір басқа компаниялардың ресми сайтындағы мәліметке сәйкес, жанармай құю бекеттерінде АИ-95 маркалы бензиннің тұрақты бағасы бар: Helios-та литріне – 252 теңге, Royal Petrol-да литріне – 250 теңге. 

Баға ненің салдарынан көтерілді "Газпромнефть" жанармай құю бекетіндегі қызметкерлердің бірі NUR.KZ тілшісіне түсіндіруінше, бағаның көтерілуі АИ-95 маркалы бензинінің құрамына, дәлірек айтсақ, жанармайдың G-Drive деп аталатын нұсқасына байланысты.

Аталған бензиндегі G-Drive жанармайы Ресейдің Омбы қаласынан әкелінген, сондықтан оның бағасы жоғарылаған. Бірақ G-Drive жанармайы бітіп, жергілікті өндірілген бензин жанармай құю бекеттеріне жеткізілген соң баға қайта түсуі мүмкін деген болжам бар. Бұл ретте компанияның жанармай құю бекетінде АИ-95 маркалы бензиннің кәдімгі нұсқасы жоқ екені атап өтілді.