Ұлттық мереке күні қарсаңында еліміздің өнерін дамытуға үлес қосып жүрген біраз азаматтар түрлі марапат иеленген, дейді KYN.KZ.

 
"Достар, "Құрмет" орденін алған қатардағы орындаушы Әли Оқаповқа берілгеніне қарсымын және келіспейтінімді айтқым келеді. Рымбаева және оның отбасын төмендеткім келмейді, бірақ осы атақ тұрғысынан жауапсыз қалған сұрақ көп. Азаматтарға орден мен награда бермес бұрын, қоғам мен ел алдында атқарған ерен істері жіпке тізілуі керек. Бұл марапат елдің дамуына, ғылым мен білімге үлес қосқан жандарға берілсе құба-құп", – дейді экс-шенеунік.

Оның айтуынша, елімізде марапаттың көп болуынан аяқ алып жүру мүмкін емес. "Құрмет" орденінің атынан гөрі жарнамасы жер жарады. Бұл марапат елдің дамуына үлес қосу емес, қоғамдық жарнамаға ұқсайды. 

"Біз қоғамның сенімін ақтап, мемлекеттік наградалардың беделін сақтап қалу үшін ашық әрі объективті болуымыз керек. Сондай-ақ, азаматтарымыздың ел игілігіне жұмсаған күш-жігері әділ бағаланауы керек. Менің тілегім – мемлекеттік марапат әділ жолмен лайық адамға берілсін!", – дейді блогер.

Әнші марапатты қазақ музыка саласына қосқан үлесі үшін алған болатын. 

“Қымбатты достар, соңғы жағдайға байланысты пікір білдіргім келіп отыр. Шынымды айтсам, дәл осылай ел талқысына түсемін деп күтпедім. Ешкімге кінә артпаймын, бірақ бұл дұрыс емес. Сондықтан осы сәтті пайдаланып, осы күнге дейін алған барлық музыкалық жүлделерімнен бас тартамын. Тіпті, мұны көптен бері ойлап жүрген едім. Өйткені менің ұлыма балалар бөлмесі қажет. Ал статуэткалар орын алады. Мемлекеттік марапат – салмақты жүлде. Мен жүлдені қайтару жөнінде Ата Заңды да оқыдым. Бірақ өзіме қажетті нормативтік құжатты таппадым. Демек осы күнге дейін ешкім мемлекеттік марапаттан бас тартпаған, – дейді. 

Осы орайда әнші марапат алатынын түнде ғана естігенін айтып ақталды.

“Мен ештеңені алдын-ала білмедім. Ұйымдастырушылар түнде ғана хабарласып, таңертең марапаттау рәсіміне келіңіз деді. Өзімді не күтіп тұрғанын да түсінбедім. Сондықтан ешкімнің алдында кешірім сұрағым келмейді. Сыйлықтан бас тарту – өзімнің шешімім. Ешкім мені мәжбүрлеген жоқ. Осы күні мені қолдаған барлық тыңдарманыма алғысым шексіз. Мен бақытты адаммын. Отбасым жанымда, сүйікті ісіммен айналыса беремін”, – деп алғыс білдірді әнші. 

Әли Оқапова әріптестері қолдау білдіріп, видеосының астына жарыса пікір жазып жатыр.