Үкіметтің тұрмыстағы зорлық-зомбылыққа қарсы петицияның талаптарын қарастыратынын Әлихан Смайлов мәлімдеді, деп хабарлайды KYN.KZ.

«Біз қазір тұрмыстағы зорлық-зомбылық үшін жауапкершілікті күшейтуге жұмыс істеп жатырмыз. Бұл норманың күшіне енбегеніне қарамастан, мемлекеттік органдар азаматтардың өтініштерін қарауға міндетті. Ал петиция – бұл көп адамның пікірі, сондықтан оны да қарау керек. Біз мұндай өтініштерді қарауға қазір де дайынбыз. Өзім қыз өсіріп отырғандықтан әйелдерге қатысты зорлық-зомбылықты қолдамаймын», - деді ол.

23 қарашадағы жағдай бойынша тұрмыстағы зорлық-зомбылық заңнамасын реформалау туралы петицияға 149 мың қазақстандық қол қойған.