Алматы облысы Іле ауданы Жәпек батыр ауылында 29 қарашада мектеп оқушылары жаппай төбелескен, деп хабарлайды KYN.KZ.

Оқушылардың төбелескен видеосы әлеуметтік желіде тарады.

"Тексеру барысында 9-сынып оқушысы мен 2007 жылғы 10-сынып оқушысы арасында келіспеушілік туындап, кейіннен жаппай төбелеске ұласқаны анықталды", - дейді ведомство.

Қажетті тергеу әрекеттері басталды. Қазіргі күні оқушылармен психологтар жұмыс істеп жатыр.

"Сонымен қатар төбелескен жасөспірімдердің ата-аналарына қатысты ҚР ӘҚБтК-нің 127, 435-баптары бойынша 17 әкімшілік хаттама толтырылды. Ал 4 оқушы жансақтау бөліміне түсті деген ақпарат жалған. Балалардың барлығы дін-аман, үйінде", - дейді ПД баспасөз қызметі.