Қоғам
Ішкі істер министрі Алматыда екі полицейдің 14 жасар қызды зорлады деген күдікке ілінгенін растады
- kyn.kz
- 11 желтоқсан, 2023
- 13.6k
![Ішкі істер министрі Алматыда екі полицейдің 14 жасар қызды зорлады деген күдікке ілінгенін растады](https://kyn.kz/uploads/resized-images/2023/12/1702289373.jpeg)
Оқиғаға қатысты қызметтік тексеріс жасалып, тәртіптік комиссияның отырысы өткен
Бүгін Мәжілісте өткен Үкімет сағатынан кейін тілшілер министрден Алматыда екі полицейдің 14 жастағы жасөспірімді зорлау дерегі туралы сұрады, деп хабарлайды KYN.KZ.
«Күдіктілер ұсталды ма?», - деп сұрады журналистер.
Өз кезегінде Е. Саденов мұндай факті шынымен де болғанын растады. Бұл оқиғаға қатысты шұғыл түрде қызметтік тексеріс жасалып, тәртіптік комиссияның отырысы өткен.
Осы ретте министр аталған қызметкерлер ішкі істер органдарынан шығарылғанын нақтылады.
«Қылмыстық іс бойынша олар қамауға алынды. Қазір тергеу амалдары жалғасып жатыр», - деді министр.