Маңғыстауда ереуілге шыққан West Oil жұмысшылары Астанаға баратындарын хабарлады
- kyn.kz
- 25 желтоқсан, 2023
- 707

Жетібайда West Oil Software компаниясының 500-ге тарта жұмысшысы 11 желтоқсаннан бері ереуілдетіп жатыр, деп хабарлайды KYN.KZ.
«Біз егемен елдің азаматы ретінде Әлихан Смайыловтың көзбе-көз келіп, еңбек төрелігінде шешімін таппаған еңбек дауын шешуді талап еткенбіз. Осы күнге дейін үкімет басшысы Әлихан Смайыловтың келмеуіне байланысты, ҚМГ директоры Мағзұм Мырзағалиевтің қойған талаптарымызды шешпеуіне байланысты West oil жұмысшылары болып Астанаға әділдік іздеп, үкімет үйінің алдына барамыз», – деді жұмысшылар кезекті видео үндеуінде.
Олар жұмысты тоқтатқанын хабарлап, өздерін "ҚазМұнайГазға» қосуды сұрады. Әрі бірыңғай еңбекақы талап етті. 13 желтоқсанда компания 7 адамды жұмыстан шығарды. Ал «ҚазМұнайГаз» төрағасы Мағзұм Мирзағалиев сервистік компания қызметкерлерін «ҚМГ» штатына алу мүмкін емес деп хабарлады.