Тоқаев 7 ақпанда үкіметтің кеңейтілген отырысын өткізеді
- автор kyn.kz
- 5 ақпан, 2024
- 965
![Тоқаев 7 ақпанда үкіметтің кеңейтілген отырысын өткізеді](https://kyn.kz/uploads/resized-images/2024/02/1707111873.jpg)
алқыланатын мәселе – экономика
Ақорданың хабарлауынша, жиында еліміздің 2023 жылғы әлеуметтік-экономикалық дамуы қорытындыланып, алдағы кезеңге арналған негізгі міндеттер айқындалады.
Еске сала кетейік, бұған дейін үкімет 2024 жылы ел экономикасы кемінде 5,3% деңгейінде өседі деп болжап отырғаны хабарланған еді.
Былтырғы жылдың қорытындысына сәйкес ел экономикасы жаңа жағдайларға бейімделіп, орнықты даму жолына түсті. Қабылданған шаралар нәтижесінде экономиканың өсімі 5,1%-ды құраған.
Негізгі салалардың барлығы оң динамика көрсеткен. Олар: құрылыста – 13,3%, саудада – 11,3%, ақпарат және байланыс қызметтері – 7,1%, көлік қызметі – 6,9%, өнеркәсіп – 4,3%.
Инфляция бойынша міндет
Үкімет Ұлттық банкпен және жергілікті атқарушы органдармен бірлесіп инфляцияны бақылау және төмендету жөніндегі кешенді шараларды іске асырып жатыр. Нәтижесінде өткен жылы ол 2 еседен астам төмендеп, 9,8%-ды құрады. 2024 жылы инфляцияны 6-8% деңгейінде ұстау міндеті қойылған.
Ұқсас жаңалықтар
Түркістан облысында 7 мың адамды жұмыспен қамтитын жылыжай салынып жатыр
- авторkyn.kz
- 7 қыркүйек, 2024