Жамбыл ауданында жас балаларға шабуыл жасаған күдікті қамауға алынды. Бұл туралы облыстық полиция департаментінің басшысы Бауыржан Әленов Instagram-парақшасында жазды, деп хабарлайды KYN.KZ.

"Қазіргі уақытта ол аудандық полицияның уақытша ұстау изоляторына қамалды және оның қатысуымен тергеу әрекеттері жүргізілуде", - делінген хабарламада.

Айта кетейік, құрықтау бойынша операция Алматы облысы, Қарасай ауданында өткен. "Тергеу барысы менің жеке бақылауыма алынды. Өзге ақпарат Қазақстан Республикасы қылмыстық-процессуалдық кодексінің 201-бабының ережелеріне сәйкес жария етуге жатпайды", - деп хабарлады өңірдің бас полицейі.

Бейресми дерек көздерінде, күдікті балаларды зорламақ болған деп айтылып жатыр. 

Бұған дейін әлеуметтік желіде Алматы облысында белгісіз ер адам төрт баланы ұрып-соғып, азаптап, оларға пышақ салғаны туралы ақпарат тарағаны хабарланған.