Мемлекет басшысы Қазақстан халқы Ассамблеясының ХХХІІІ сессиясын шақыру туралы өкімге қол қойды. Бұл туралы  KYN.KZ тілшісу Ақорданың Telegram-дағы арнасына сілтеме жасап хабарлайды. 

"Президент Қасым-Жомарт Тоқаев "Бірлік. Жасампаздық. Өрлеу" атты тақырыпта өтетін Қазақстан халқы Ассамблеясының кезекті ХХХІІІ сессиясын шақыру туралы өкімге қол қойды. Қазақстан халқы Ассамблеясының ХХХІІІ сессиясы 2024 жылы 24-25 сәуір күндері Астана қаласындағы Президенттік орталықта өтеді", - делінген хабарламада.

Еске сала кетейік, Қазақстан халқы Ассамблеясының ХХХІІ сессиясы 2023 жылдың 27 сәуірінде өткен. Сессияда сөйлеген сөзінде Президент Ассамблеяның ролі туралы айтқан болатын.