Шығыс тағамдары, жәрмеңке және қолөнершілер шеруі: ЕХРО орталығында мерекелік іс-шаралар өтіп жатыр
- автор kyn.kz
- 21 наурыз, 2024
- 587
![Шығыс тағамдары, жәрмеңке және қолөнершілер шеруі: ЕХРО орталығында мерекелік іс-шаралар өтіп жатыр](https://kyn.kz/uploads/resized-images/2024/03/1711022558.webp)
Елордадағы ЕХРО халықаралық көрме орталығында ауқымды мерекелік іс-шаралар ұйымдастырылды. Қонақтар үшін Наурыз базары жәрмеңкесі есігін айқара ашты, деп хабарлайды Астана әкімдігінің ресми сайты.
Мұнда жыл сайынғы «Наурыз базары» Шығыс жәрмеңкесі өтті, онда арнайы мерекелік бағамен азық-түліктен бастап тоқыма бұйымдарына дейінгі қазақстандық тауарлар ұсынылды.
Жәрмеңкеде қолдан жасалған бұйымдардан басқа, азық-түлікті тікелей ауыл шаруашылығы тауарын өндірушілерден сатып алуға болады. Келушілер үшін арнайы қағидат бойынша алып-сатарларсыз жаңа өнімдер қолжетімді. Ел өңірлерінен келген фермерлер азық-түлік жәрмеңкесіне 200 тоннадан астам өнім, оның ішінде ет және сүт өнімдері, көкөністер мен жемістер, бал және т.б. әкелді.
Қазақстан, Түркия, Иран, Әзербайжан, Тәжікстан, Қырғызстан және басқа да шет елдердің қолөнершілері ұлттық, тақырыптық бұйымдар мен картиналардың түрлерін ұсынды.
Қонақтар шығыс тағамдары фестиваліне қатыса алады, онда мерекелік дастарханның басты тағамы – Наурыз көже, сол сияқты ыстық палау, бауырсақтар және елорданың үздік мекемелерінен басқа да тағамдар ұсынылады.
Жастар үшін арқан тарту, асық ату, тоғызқұмалақ және тағы басқа ұлттық ойындардан турнирлер ұйымдастырылды.
ЕХРО мерекелері 22 және 23 наурызда сағат 9:00-ден 18:00-ге дейін өтеді.