Семей қаласында көпқабатты үйдің бірінде жеделсаты құлап кетті. Оның салдарынан 6 адам зардап шекті,  деп хабарлайды KYN.KZ ақпарат агенттігі.

Оқиға 8 мамырда болған. Лифттің ішінде алты адам болған.

"Сағат 11.40 шамасында Әуезов даңғылы, 3 мекенжайындағы көпқабатты тұрғын үйдегі екінші кіреберісте лифт шахтаға құлап кеткен. Лифтке 6 адам кіргені анықталды. Рұқсат етілген салмақтан асып кету салдарынан лифт кабельдері үзіліп кеткен", - деп хабарлады қала әкімдігінен.

Қазіргі уақытта зардап шеккендер қаладағы жедел медициналық жәрдем ауруханасына жеткізілген. Оларға медициналық көмек көрсетілуде.

«Абырай болғанда, оқиға салдарынан қаза болған ешкім жоқ. Қылмыстық іс қозғалып, тергеу жүргізілуде», - делінген ақпаратта.