"Депутат пен екі мұғалім қаза тапты": Ақтөбе облысында көлік апаты болды
- автор Томирис Тоныкөк
- 10 мамыр, 2024
- 1.0k
!["Депутат пен екі мұғалім қаза тапты": Ақтөбе облысында көлік апаты болды](https://kyn.kz/uploads/resized-images/2024/05/1715343911.webp)
Ақтөбе облысындағы тас жолда мәслихат депутаты мен ерлі-зайыпты мұғалімдер көлік апатынан көз жұмды, деп хабаралайды KYN.KZ тілшісі Мой Город басылымына сілтеме жасап.
Жол апаты 9 мамырда Самара-Шымкент тас жолында болған. Ырғызға жақындап қалған ВАЗ жеңіл көлігі өз бағытында келе жатқан МАН жүк көлігінің артынан соққан. Салдарынан жеңіл көліктегі 3 адам қаза тапқан.
Көлікті Ырғыз мектебінде дене шынықтыру пәнінен сабақ берген 45 жастағы мұғалім жүргізген. Ол ауруханаға түскен соң қаза тапқан. Оның әйелі оқиға орнында көз жұмған. Әйел де сол мектепте бастауыш сыныптың мұғалімі болып жұмыс істеген. Олардың артында мектеп жасындағы 3 бала қалды. Көз жұмған үшінші жолаушы Ырғыз ауданы мәслихатының 28 жастағы депутаты, ауданның ветеринар дәрігері болған.
Ақтөбе облысының полиция департаменті болған оқиға бойынша сотқа дейінгі тергеу жүріп жатқанын хабарлады.