Синоптиктер 2024 жылдың 19 маусымына арналған ауа райына болжам жасады, деп жазды KYN.KZ  тілшісі.

"ҚР аумағының қалған бөлігінде атмосфералық фронтальды бөліктер өз ықпалын сақтайды: найзағай ойнап, жаңбыр жауады, еліміздің оңтүстік-шығысында қатты жаңбыр жауады, батыс, оңтүстік-шығыс өңірлерде бұршақ түсіп, қатты жел тұрады деп күтіледі. Республикамыз бойынша ортақ табиғи құбылыс - желдің екпін алуы", делінген "Қазгидромет" хабарламасында.

Күндіз БҚО, Атырау, Ақтөбе, Қызылорда облыстарында, Қостанай облысының оңтүстігінде аптап ыстық болады деп күтіледі. Маңғыстау, Атырау облысында, Ақтөбе облысының оңтүстігінде өте қатты ыстық сақталады.