Қазақстандықтарға маңызды хабарлама жарияланды. 1414 нөмірінен келген кодты ешкімге жібермеу керегін ескертеді, деп хабарлайды KYN.KZ ақпарат агенттігі.

eGov.kz-дің мәліметінше, алаяқтар хабарламада келген кодты алып, цифрлық мәліметтеріңізге қол жеткізіп алуы мүмкін.

«ЭЦҚ-ны өзге адамға берсеңіз алаяқтар түрлі құжаттарға заңды түрде сіздің атыңыздан қол қоя алады», - делінген хабарламада. 

Жеке деректерді қалай қорғауға болады:

• 1414 кодын үшінші тұлғаларға бермеңіз;
• ЭЦҚ кілттерін үшінші тұлғаларға бермеңіз;
• егер қызметкерлерде ЭЦҚ кілттері болса, онда олар жұмыстан шығарылғаннан кейін ЭЦҚ-ны қайтарып алуды қадағалау қажет;
• ресми құжаттарға қол қоюға жауапты қызметкерлерге жеке ЭЦҚ беру қажет;
• ЭЦҚ кілттері бар флэш дискіні жоғалтқан кезде ЭЦҚ жоғалған кілттерін кері қайтарып алу қажет;
• ХҚКО-да ЭЦҚ кілттерін алған кезде олардың құпия сөзін өзгертуді ұмытпаңыз;
• бейтаныс адамдардан ЭЦҚ кілттерін алуда ақылы көмекті қабылдамаңыз.