«Мені алдаған, қиянат жасағысы келетін»: Жазира Байырбекова күйеуі, ұлы, қызы да уақытша екенін айтып, жұртты ойландырып қойды
- автор Томирис Тоныкөк
- 18 шілде, 2024
- 395
![«Мені алдаған, қиянат жасағысы келетін»: Жазира Байырбекова күйеуі, ұлы, қызы да уақытша екенін айтып, жұртты ойландырып қойды](https://kyn.kz/uploads/resized-images/2024/07/1721285068.webp)
Белгілі әнші Жазира Байырбекова оқырмандарына өмірдің уақытша екенін ұмытпауға шақырды. Ол желідегі парақшасында әсерлі жазбасымен бөлісті, деп хабарлайды KYN.KZ тілшісі.
Айтуынша, ешкімнен бақыт күтпеу керек. Өзінің кейбір ұстанымдары денсаулығына зиян келтіріп жүргенін атап өтті.
«Өмірдің уақытша екенін ұмытпау керек. Тіпті күйеуім де, ұлым да, қызым да. Әркімнің жақсы көруі, құрметтеуі, қамқорлығы өз қалауымен болса жақсы, болмаса мәжбүрлемеу керек. Ешкімнің маған ештеңеге міндетті емес екенін білемін. Жамандар жаман болайын демейді, жай, болмысы солай. Ешкімге пайдасы жоқ адамдар миына, жүрегіне мейірімділік салмағаннан. Адамның миына идеяларды Алла тағалам салады. Бір адамның ұнамайтын қасиеттерін көргенде сол адамның бойынан жақсы қасиетті іздеп табуға тырысамын. Сабырлылығымның сыры – жақсы қасиеті жоқ, негативтерімен шаршататын адамнан (туысым болса да) алыс жүру. Маған бұйырған несібе ешқайда кетпейді. Мені алдаған, маған қиянат жасағысы келетін, мені сыртымнан жамандап сөгетін адамдарды Аллаға тапсыру. Кез келген жетістікті, жақсылықты, несібені өзімнің өнерім, өзімнің еңбегім демей, Алланың беріп жатқанын сезіну. Біреу баладан, біреу күйеуден, біреу бауырдан, біреу қайын жұрттан, біреу достарынан, біреу қызметінен бақыт көреді. Адам өмірінде барлығы идеально болмайтынын түсіну. Мені сабырлы ететін осы ойларым шығар", - деп жазды ол.
Сонымен қатар әрбір адам өмірдің актері екенін атап өтті.
Менің кей ұстанымдарым мамандардың айтуынша, денсаулығыма зиян екен. Бәрін кешіріп, бәрін ақтап алып жүре бермей, арасында ұрысып, ренжитін жағдайда ренжіп айтып тастауым керек екен. Әрбір адам – бұл өмірдің актері. Рольге енбейтін жаңа туған сәби ғана!» – деп жазды Жазира Байырбекова.