Қазақстанның оңтүстігінде алдағы күндері 45 градусқа дейін аптап күтіледі. Еліміздің басқа аймақтарында жаңбыр жауады деп болжанған. Бұл туралы "Қазгидромет" РМК-ға сілтеме жасаған KYN.KZ  хабарлайды. 

"Қазгидромет" РМК мәліметі бойынша, алдағы тәуліктерде антициклон республиканың солтүстік-батысына қарай ойысады. Ал атмосфералық фронттар әсерінен Қазақстан аумағының басым бөлігінде найзағай ойнап, жаңбыр жауып, жел күшеюі ықтимал.

Сонымен қатар еліміздің солтүстік-батысында, 25 шілдеде батыста, шығыста, 26-27 шілдеде солтүстікте нөсер жаңбыр жауады деп күтіледі.

"Күндіз батыста ауа температурасы +23...+33°С, солтүстік-батыста +15...+28°С, солтүстікте +18... +28°C, орталықта +25...+35°C дейін көтеріледі. Сондай-ақ ауа температурасы республиканың шығысында +25...+37°C, оңтүстікте +35...+45°С, оңтүстік-шығыста +35...+43°С дейін жетеді", - деді синоптиктер. Тағы да оқыңыздар: https://kaz.nur.kz/society/2139126-qazaqstanda-aldagy-kunderi-45-gradusqa-deiin-ystyq-bolady/