Павлодарда облысында аналарының қателігінен сәбилері көз жұмды. Бұл туралы Павлодар облыстық балалар ауруханасының дәрігерлері мәлімдеді, деп хабарлайды KYN.KZ ақпарат агенттігі.

"20 тамыз күні 28 күндік нәресте көз жұмды. Анасы түнде тамақтандыру кезінде ұйықтап қалып, кеудесімен басып қалған", – дейді Павлодар облыстық балалар ауруханасының дәрігері Жұлдыз Шахитдинова.

Ал екінші жағдай 14 тамыз күні орын алған.

“Нәресте екі ай жеті күндік болған. Шала туылғандықтан салмағы аз болған. Анасы емізіп жатып ұйықтап қалған. Таңертеңгі сағат 03:15-те әйел оянғанда бөпесі шетінеп кеткенін бірақ білген", – дейді дәрігер.