Алматы облысында мұғалім оқушыға қол көтерген. Бұл туралы видеоны сыныптағы балалардың бірі түсіріп алған, деп хабарлайды KYN.KZ ақпарат агенттігі.

Оқиға Алматы облысының Көктерек ауылындағы №21 мектебінде орын алған. Балалардың айтуынша, тарих пәнінің мұғалімі оқушыларға сабақ үстінде қол көтерген.

Аталмыш видео әлеуметтік желіде тарап кеткен.

«Іле аудандық Білім бөлімі Көктерек ауылындағы №21 орта мектептің тарих пәнінің мұғалімі жұмысынан босағанын хабарлайды. Жұмыстан босатуға мұғалімнің педогика этикасын сақтамау, сегізінші сынып оқушысына күш қолдану арқылы қызметтік өкілеттігін асыра пайдалануы себеп болды», — деп хабарлады облыс әкімдігінен.