Астанада өтіп жатқан Дүниежүзілік көшпенділер ойындарында Қырғызстан мен Қазақстан құрамаларының көкпаршылары төбелесіп қалды, деп хабарлайды KYN.KZ ақпарат агенттігі.

Турнирдің финалында таймның соңына 6 минут қалғанда 1:3 есебімен Қырғызстан құрамасы алға шықты. Осыдан кейін екі құрама арасында жанжал басталып кетті. Спортшылар бірін-бірі қамшымен ұра жөнелген. Кейін полиция келіп, оларды ажыратты.

Жарты сағаттық үзілістен соң бәсеке қайта жалғасты. Бірінші тайм Қырғызстан құрамасының пайдасына шешіліп, есеп 1:3 болса, екінші жартысында қазақстандықтар жеңіске жетіп, есеп 3:3 болды.

Қазір турнир жалғасып жатыр.