Жетісу облысында 11 күн бұрын Көксу ауылында жоғалып кеткен 3 жасар баланың денесі табылды, деп хабарлайды KYN.KZ ақпарат агенттігі.

Аймақтық полицияның хабарлауынша, іздестірілген бала Мұқаншы өзеніне батып кеткен.

«Жоғалған баланы іздеу жұмыстарының аяқталғанын мәжбүрлі түрде хабарлаймыз. Өкінішке орай, ең жаман күдіктеріміз расталды. Бала Мұқаншы өзенінен табылды. Полиция департаменті қаза тапқан баланың отбасына шын жүректен көңіл айтады. Барлық ересектерге (ата-аналар мен қамқоршыларға) балаларға барынша мұқият болуды, оларды қараусыз қалдырмауды ескертеміз. Сіздің мұқияттылығыңыз бен қамқорлығыңыз осындай қайғылы оқиғалардың алдын алуға көмектесуі мүмкін», – деп хабарлады Жетісу облысы ПД баспасөз қызметі.

Бала көпбалалы отбасынан шыққан. Үйдегі жетінші сәби болған.