Алматыда автобус пен жеңіл көлік соқтығысып, бір адам қаза тапты, деп хабарлайды KYN.KZ ақпарат агенттігі.

Оқиға Бөкейханов қиылысында орын алған.

Алматы полиция департаментінің мәліметінше, Mitsubishi көлігінің жүргізушісі Солтүстік айналма көшесімен солтүстік бағытта, Бөкейханов көшесінің қиылысында келе жатып, жолағын ауыстырмақ болған. Осы сәтте көлік жеке тасымалдаушыға тиесілі 58 бағыттағы автобуспен соқтығысқан.

"Жол апаты салдарынан Mitsubishi көлігінің жолаушысы алған жарақатынан оқиға орнында көз жұмды. Оқиғаға қатысты адам өліміне әкеп соқтырған жол-көлік оқиғасы бойынша қылмыстық іс қозғалды", – делінген полиция хабарламасында.