Алматыда жолаушылар автобусы мен тепловоз соқтығысты, зардап шеккендер бар, деп хабарлайды KYN.KZ тілшісі.

Оқиғаи Әуезов көшесі мен Гоголь қиылысына жақын жерде болған. Кейбір ақпарат бойынша Гогольден төмен Әуезов көшесіне дейін жол уақытша жабылған.

Жол апатының видеосы әлеуметтік желіде тарап кетті.

Жергілікті полиция қызметінің хабарлауынша, жол-көлік оқиғасы бүгін сағат 11:40-та Алматыдағы Алмалы ауданында болған.

«Әуезов көшесімен солтүстік бағытта Гоголь көшесінен солтүстікке қарай келе жатқан жеке тасымалдаушыға тиесілі 88-маршруттағы автобус батысқа қарай темір жол бойымен келе жатқан тепловозға соқтығысты», - делінген хабарламада.

Алматы қалалық ІІД баспасөз қызметінің хабарлауынша, оқиға салдарынан қоғамдық көліктің алты жолаушысы жарақат алған. Оларға қажетті медициналық көмек көрсетілді.

Оқиғаның басқа мән-жайлары анықталуда.