Желіде Түркістан облысы Жетісай қаласында арба сүйреп жүрген 7 жасар баланың видеосы тарап кетті, деп хабарлайды KYN.KZ ақпарат агенттігі.

Бұл туралы TikTok желісінде жарияланған. Бейнежазбадан кішкентай баланың арбамен ауыр заттарды тасып бара жатқанын көруге болады. Видео авторы баланың мән-жайын сұраған.

«Әкем қарайды, інім бар. Ол 5-те, мен 7 жастамын. Құжаттарым жоқ, сол үшін мектепке бара алмаймын», - дейді видеода бала.

Оқу-ағарту министрлігі балалардың құқықтарын қорғау комитеті пікір білдірді.

"Осы жағдайды реттеу үшін мемлекеттік орган бекіткен алгоритмге сәйкес арнайы топ жұмылдырылғанын хабарлаймыз. 7 жасар бала мен оның бауыры қауіпсіздікте. Қазіргі уақытта құзырлы органдар балалардың денсаулығын тексеріп, құжаттарын және барлық құқықтарын қалпына келтіру мәселелерімен айналысуда", – делінген хабарламада.

Балалардың құқықтарын қорғау комитеті екі бұлдіршіннің анасының тірі екенін мәлімдеді.

@bota770_ #рек #рекомендации #жетісай #fyp #р_е_к_о_м_и_н_д_а_ц_и_и #рек #врек #rek #рекомендации #CapCut #жетісайқаласы #жетісай ♬ оригинальный звук - Botakan