ҚР халық әртісі Димаш Құдайберген Дубайдан алған марапатын опера әншісі Бибігүл Төлегенованың 95 жасқа толуына арнады, деп хабарлайды KYN.KZ ақпарат агенттігі.

Сонымен қатар, өнер иесі бұл жеңісі үшін тыңдарманы мен отбасына арнады.

“Құрметті Бибігүл Ахметқызы! Күні кеше алған кезекті марапатымды өзіңізге арнағым келеді. Алда келе жатқан 95 жылдық мерейтойыңыз құтты болсын! Осы марапатты сіздің құрметіңізге арнауға рұқсат етіңіз. Жастайымнан сіздің жоғары дәрежедегі өнеріңізге сусындап өсіп, сіздің аналық, ұстаздық өсиеттеріңіз бен батаңыздың арқасында қазіргі күні азды көпті жетістіктерге қол жеткізіп келемін. Бибігүл Ахметқызы – менің рухани ұстазым. Құрметті жерлестер, шын жүректен барлық құттықтауларыңызға көп рахмет айтқым келеді. Еліміз аман,жұртымыз тыныш болсын!”, – деп жазды әнші. 

Айта кетсек, Димаш Құдайберген Дубайда өткен премияға қатысты. 26-27 қарашада Distinctive International Arab Festivals Awards – DIAFA фестивалі өтті.

 

 

 

 

Посмотреть эту публикацию в Instagram

 

 

 

 

 

 

 

 

 

 

 

Публикация от Dimash Qudaibergen (@kudaibergenov.dimash)