Әлеуметтік желілерде Алматы метрополитенінде қаза тапқан жігіттің видеосы пайда болды, деп хабарлайды KYN.KZ ақпарат агенттігі.

Қайғылы оқиға 10 желтоқсан күні "Абай" станциясында болды.

Көру қабілеті нашар 26 жастағы жігіт туралы әлі толық мәліметтер жарияланған жоқ. Видеода “Абай” станциясынан түскен қыздың оны құтқарып қалуға тырысқанын байқауға болады. Жігіт әп-сәтте құлап кеткен. Қыз оны ұстай алмағандықтан қауіпсіздікті бақылап жүретін кезекшіні шақырған. Кезекшенің оқиға орнына жүгіріп бара жатқаны көрсетіледі.

Оқиғаның нақты себептері мен басқа да мән-жайлары белгісіз. Трагедия көпшіліктің назарын аударды.