Алматы облысының әкімшілік істер жөніндегі сот алқасы Шерзат Болаттың әкесі Қаржаубай Нұрымовқа қатысты адвокаттардың апелляциялық шағымын қанағаттандырмады, деп хабарлайды KYN.KZ ақпарат агенттігі.

Адвокаттары соттан Қаржаубай Нұрымовқа жеңілдететін факторларды ескеруді сұрады. 

"Қаржаубай Нұрымов - кәмелетке толмаған төрт баланың әкесі. Ол үйде жоқ кезде балалары әке қамқорлығынсыз қалды. Ол отбасының жалғыз асыраушысы. Қарт ата-анасы, жұбайы, кәмелетке толмаған балалары үйінде қалды", – делінген адвокаттардың шағымында. 

Олар алдыңғы сот шешімін бұзуды талап еткенімен шешім өзгеріссіз қалдырылды.