Өскеменде көлігін 5 минуттан көп қыздырған үш адамға айыппұл салынды. Полицияға көршісі үстінен арыз түсірген, деп хабарлайды KYN.KZ ақпарат агенттігі.

Облыстық полицияның мәліметінше, 102-ге бір азамат үш арыз түсірген.

«Автокөлікті ұзақ қыздырғандарға әкімшілік хаттама тек азаматтардың арыз-шағымы түскен кезде ғана толтырылады. Сондай-ақ заңның бұзылғаны турасында дәлелдер (фото, видео) болуы керек», — деп хабарлайды облыстық полиция департаменті.

Қазақстанда тұрғын аймақтарда қозғалтқышы қосылып тұрған көлікті қоюға тыйым салынған. Қозғалтқышы қосулы көлікті 5 минуттан артық тұраққа қойғаны үшін 5 АЕК (19 660 теңге) мөлшерінде айыппұл қарастырылған, ал қайталанған жағдайда – 10 АЕК (39 320 теңге).