Бес айыпталушының бірінің қорғаушысы қаза тапқан Алина Серикованың ағасына шағым түсірді. Осыдан кейін Бауыржан Жолжанға учаскелік полиция қызметкері хабарласып, оны полицияға шақырғанын «НеМолчи.KZ» қоры хабарлады. Адвокат жағдайға қатысты Lada.kz тілшісіне пікір білдірді, деп хабарлайды KYN.KZ ақпарат

Қордың мәліметінше, Алина Серікованың ісі бойынша апелляция қаралмай қалғаннан кейін сотта жанжал туындаған.

“Бауыржан (қаза тапқан қыздың ағасы – авт. ескертпесі) журналистерге сот 30 қаңтарға, бейсенбіге ауыстырылғанын айтып тұрған кезде, адвокат Сейтмағанбет Бералы күзетке Алиның анасын жолдан алып тастауды бұйырды. Ол анасына саусағымен нұсқады. Содан кейін Алиның анасы жылап, сот екінші рет кейінге қалдырылған кезде, бұл процесті неге созып жатыр деп наразылығын білдірді. Сол кезде адвокат оның қолынан ұстап, тартып жіберген. Адвокат көп адамның жиналуын арандату және сотқа қысым көрсету деп атады. Кейін ол Бауыржанға қарап: «Сен арандатушысың, бәрін сен ұйымдастырдың…”деді, – деп жазды қор.

Осы оқиғадан кейін Бауыржан адвокаттың кеңсесіне сөйлесуге барды. Алайда Бауыржан Жолжанның айтуынша, адвокат оған және басқаларға шәйнектегі қайнаған сумен қорқытқан және балағаттаған. Олар кеткен, әңгіме болмаған. Бірақ адвокат Сейтмағанбет Бералы полицияға өзі қорқытылғанын және кеңседегі плинтусын сындырғанын айтып шағым түсірген.

Бауыржан да шағым жазды. Жақында әкімшілік сот өтеді.

“Біз Бауыржанға айыпталушының адвокаты жалған шағым жасағаны үшін жаза беріледі деп қауіптенеміз. Ақтау прокуратурасынан бұл істі бақылауға алып, жәбірленуші тарапқа қатысты заңсыз шешім қабылдауға жол бермеуді сұраймыз. Біздің сұрағымыз бар: неге айыпталушылардың адвокаттары қорғау жұмыстарын және БАҚ қызметін сотқа қысым және арандату деп есептейді? Бұл мәңгі қайталанып отыратын шағым секілді. Бес ер адамға қарсы шыққан марқұм қыз сол кезде ешкімнің қолдауын, көмегін көрмеді. Енді сот процесінде оның орнына ағасы сөйлеп жатыр. Біз оған қолдау көрсетеміз. Бұл ауыр қылмыс. Ананың сотта болуға құқығы бар. Қолдау алуға олардың құқығы бар. Ал қолынан ұстап, агрессивті әрекет ету – қылмыстық әрекет!”– деп мәлімдеді қор өкілдері.

Сонымен қатар, адвокат Сейтмағанбет Бералының айтуынша, олар сот отырыстарында үнемі қысым мен буллингке ұшырайды.

“Соттағы жағдай мынадай болды. Алиның анасы мені әдейі өткізбеуге тырысты. Мен оны бірнеше рет сұрадым, ол бас тартты. Сол кезде Бауыржанға барып, анасына сот отырысының кейінге қалдырылуына біздің кінәміз жоқ екенін түсіндіруін сұрадым. Мен қылмысқа жанама қатысы бар адамды ғана қорғаймын. Ақыры, Бауыржан менің кеңсеме 15-20 адаммен бірге келді. Видео жазбалар бар. Олар көп болды, қорқытты. Олардың Есбол есімді туысы өзін ҰҚК-нің бұрынғы қызметкері деп таныстырып, маған жақындап, мойнымнан ұстады, қолымен сілтеп, қоқан-лоққы жасады. Менің жанымда отырған адвокат көмектесті. Мен тек «Егер сен мені ұрсаң, үстіңе қайнаған су құямын» дедім. Олар балағаттап, арандатты. Олардың «Неге сіз оларды қорғайсыз?» деген шағымдары болды. Олар бізді «қылмыскерлердің адвокаттары» деп атады. Осыдан кейін мен оларға қарсы полицияға шағым түсірдім”, – деді Сейтмағанбет Бералы.

Еске салсақ, облыстық сот күдіктілердің әйелдері мен аналары сот залына кіргізілмейтінін мәлімдеген. Аталған іс бойынша апелляция екі рет кейінге қалдырылды: алғаш рет қорғаушы келмегендіктен, ал 27 қаңтарда күдіктілердің бірі адвокатынан бас тартқандықтан.

2024 жылдың мамыр айында болған қайғылы оқиғада интернетте Алина Серикованың қайтыс болғаны туралы видео тарады. Куәгерлердің айтуынша, қыз биік ғимараттан секіріп, өзін-өзі өлтірген. Қайғылы жағдай 19-шағын аудандағы 40-үйде болған. Сол кезде полиция бұл істі өзін-өзі өлтіруге жеткізу деп есептеген.

2025 жылдың қаңтар айында «НеМолчи.kz» қоры оқиғаның егжей-тегжейін жариялады. Нәтижесінде, Алина Серикованың бес ер адам тарапынан қатыгездікке ұшырағаны белгілі болды. Оның ішінде зорлық-зомбылық пен есірткі қабылдауға мәжбүрлеу де бар. Қыздың ұрланған сәтінің кадрларын ағасы Бауыржан ұсынды.

Қор өкілдерінің айтуынша, прокурор істің басты фигурантына өмір бойы бас бостандығынан айыруды, ал қалған төртеуіне 15-16 жылға бас бостандығынан айыру жазасын сұраған. Алайда сот барысында судья айыптауды қайта саралады. Ол өз шешімін қыздың бес ер адамның әрекетінен емес, өзін-өзі өлтіру салдарынан қайтыс болғанымен түсіндірді. Қордың мәлімдемесінен кейін Маңғыстау облыстық прокуратурасы кінәлілерге жазаны қатаңдатуды талап етті.

Сонымен қатар, «НеМолчи.kz» қорының президенті Динара Смаилова қылмыстық іс фигуранттарының барлығы дерлік бұрын сотталғанын айтты.