Синоптиктер алдағы үш күнде елімізде күн күрт суытатынын ескертті, деп хабарлайды KYN.KZ ақпарат агенттігі.

Республиканың батысында, солтүстігінде, шығысында ауа-райын атмосфералық фронтальды бөлімдер қалыптастыратынын, қар, жаяу бұрқасын, батыс өңірлерде жауын-шашын жаңбыр мен қар түрінде, көктайғақ құбылыстары болжанатынын айтады.

Қазақстанның оңтүстігінде ауа-райы жауын-шашынсыз, температура қолайлы болады деп болжанады. Республика бойынша тұман, желдің күшейетіні айтылады.

Түнде ауа температурасының батыста -8...-13°C дейін, солтүстікте, орталықта -13...-21°C дейін, шығыста -15...-30°C дейін біртіндеп төмендеуі күтіледі.