Өзбекстан Гүлнәр Кәрімованың 182 миллион доллар активі қайтарылатын болды. Бұл туралы жаңа келісімге Швейцариямен қол қойды, деп хабарлайды KYN.KZ ақпарат агенттігі.

gazeta.uz мәліметіне сүйенсек, 182 миллион доллар Швейцария тарапынан БҰҰ-ның  Uzbekistan Vision 2030 көпсеріктестік трасттық қоры арқылы өзбек халқына қайтарылады. Бұл қаражат алдағы уақытта әлеуметтік маңызы бар жобаларға жұмсалады.

«Қаражат Өзбекстанның жекелеген азаматтары тарапынан заңсыз жолмен алынған және 2012 жылы Швейцарияның Бас прокуратурасы Гүлнәр Кәрімоваға қатысты қылмыстық іс аясында толығымен тәркіленген», деп мәлімдеді әділет министрлігі.