Жамбыл облысында 22 жастағы полиция қызметкері өз-өзіне оқ атып, көз жұмды, деп хабарлайды KYN.KZ ақпарат агенттігі.

Полицейдің өлі денесі Тараздан бес шақырым жерде, Жасөркен кентінде табылды. 2003 жылы туған жігіт полиция кіші сержанты болған. 

Алдын ала ақпарат бойынша, арнайы қызметтік қамтамасыз ету басқармасының қызметкері өз тапаншасымен басына оқ атқан. Өлімінің себебі анықталып жатыр.

Оқиға орнына облыстың ПД басшылары, арнайы қызметтік қамтамасыз ету басқармасы және тергеу тобының өкілдері жедел барды.