Алматыда әуежайында бүгін орын алған оқиғаға қатысты тағы да видеолар пайда болды, деп хабарлайды KYN.KZ ақпарат агенттігі.

Әуежай қызметкерін кепілге алған ер адам бәрін жарып жіберетінін айтып  қорқытқан.

Айта кетсек, бүгін 7 наурызда Алматы әуежайында пышақ ұстаған ер адам қызметкер қызды кепілге алды. Желіде әуежайда түсірілген видео тарады. Кадрлардан қолында пышағы бар ер адам қыздың шашынан ұстап алғанын байқауға болады. Оқиға ішкі терминалда болған.

Әуежайдың баспасөз қызметі мәліметінше, ер адам өзін жолаушы ретінде көрсетіп, рейс алдындағы қауіпсіздік аймағына жақындаған. Қызметкерлер одан құжатын сұраған кезде ол қызметкерді пышақпен қорқытқан. 7 минуттан кейін шабуылдаушыны полиция мен авиациялық қауіпсіздік қызметкерлері ұстады. Қазір ол қамауға алынды.