Павлодарда мектеп оқушысының сыныптасын соққыға жыққан видеосы желіде тарады, деп хабарлайды KYN.KZ ақпарат агенттігі. 

Бұл оқиғаға қатысты полиция қатысты пікір білдірді.  №16 мектептің оқушылары төбелес шығарған. Видеода бір оқушының екінші қызды ұрып жатқаны көрсетіледі. 

Төбелеске қатысушылар анықталып, полиция бөліміне жеткізілді. 

“Заңды өкіл бала тәрбиесі жөніндегі міндеттерді тиісінше орындамағаны үшін жауапқа тартылды. Сондай-ақ, кәмелетке толмағандардың істері жөніндегі комиссияға кәмелетке толмағандарды "ШҚО Серебрянск қаласында девиантты мінез-құлқы бар балаларға арналған арнайы мектеп-интернатқа" жіберу туралы мәселе шығарылды”, - дейді облыстық ПД өкілдері.