Бүгін 30 наурыз еліміздің бірнеше өңірінде тұман түсіп, шаңды дауыл мен екпіні күшті жел соғады, деп хабарлайды KYN.KZ ақпарат агенттігі. 

Маңғыстау облысының батысында, оңтүстігінде, орталығында шаңды дауыл, оңтүстік-шығыстан жел соғуы ықтимал. Күндіз облыстың батысында, оңтүстігінде, орталығында екпіні секундына 15-20 метрге жетеді.

Алматы облысының оңтүстігінде, таулы аудандарында кей уақытта тұман түседі.

Алматыда түнде және таңертең тұман түседі.

Қарағанды облысының батысында, солтүстігінде, шығысында тұман.

Ұлытау облысының солтүстігінде, шығысында, орталығында тұман.

Абай облысының оңтүстігінде шаңды дауыл соғады.

Солтүстік Қазақстан облысында түнде және таңертең батысында, солтүстігінде, шығысында тұман түседі.

Жамбыл облысының оңтүстігінде, таулы аудандарында тұман. Солтүстік-шығыстан жел соғады, облыстың таулы аудандарында екпіні секундына 15-20 метрге жетеді.

Түркістан облысының таулы аудандарында тұман түседі.