Forbes 2025 жылғы әлемдік миллиардерлер рейтингін жариялады. Оның ішінде Қазақстан азаматтары да кездеседі, деп хабарлайды KYN.KZ ақпарат агенттігі.

Тізімдер арасында байлығы 38,8 миллиард доллар болатын жеті қазақстандық бизнесмен бар. 

Kaspi акционері Вячеслав Ким қазақстандық миллиардерлер арасында бірінші орында. Оның байлығы 7,1 миллиард доллар. Әлемдік тізімде 464-орынға көтерілді (ол өткен жылы 511-орынға ие болған). Бір жыл ішінде оның капиталы 1,3 миллиардқа өсті.

Екінші орында Kaspi-дің тағы бір акционері Михаил Ломтадзе тұр. Байлығы 5,9 миллиард доллар және ол әлем бойынша 597-орында.

Freedom Holding иесі Тимур Турловтың байлығы 5,8 миллиард долларға өскен. Ол 991-орыннан 605-орынға көтерілді.

KAZ Minerals директоры Владимир Ким төртінші орында. Оның 5,7 миллиард долларға жетті. Өткен жылы 3,6 миллиард долларға бағаланған еді. 896-орыннан 620-орынға көтерілген.

Тимур мен Динара Құлыбаевтар әлемдік рейтингте 612-орыннан 673-орынға түсті. Олардың әрқайсысында 5,3 миллиард доллар бар.

ForteBank акционері Болат Өтемұратов қазақстандықтар арасында Forbes рейтингісі бойынша соңғы тұр. Оның байлығы 1 миллиард долларға өсіп, 3,7 миллиард долларға жетті.