Мәжіліс депутаты Ринат Зайытов театр, кітапхана, музей сияқты нысандарда үлкен жастағы кісілер күзетші болып отырғанын айтып, наразалық білдірді, деп хабарлайды KYN.KZ ақпарат агенттігі.

Ринат Зайытов жасы 70-ке келіп қалған кісілердің өзіне күзетші керегін айтты. Сол себептен күзет қызметіне байланысты ортақ талап қоюды ұсынды.

«Жалпы мектеп, аурухана, театр террористер үшін қолайлы жерлер. Министрдің орынбасары әр субъект өзінше талап қоя алады деп айтып жатыр. Театрға, кітапханаға, музейге барсаңыз, күзетте кім отырады? 60-қа тақап қалған апалар немесе 70-ке тақап қалған аталар отырады. Олардың өзіне күзетші керек қой. Сіздер күлесіздер. Бірақ ертең бір театрға террористер басып кірмесіне қайсыңыз кепілдік бересіздер? Ең болмаса күзетшілерге ортақ талап қоюға болмай ма? Тым болмаса күзет қызметіне 30-дан асқан әйелдерді алуға болмайды деген», - дейді депутат.