ҚМА төрағасының орынбасары Жеңіс Елемесов “Biz Birgemiz” қорының басшысы Перизат Қайрат ісіне қатысты жаңа мәліметтерді айтты, деп хабарлайды KYN.KZ ақпарат агенттігі.

Сенатта өткен брифингте журналистерге Елемесов күдіктіге қатысты қазіргі уақытта процестің қатысушылары қылмыстық іс материалдарымен танысу кезеңінде екенін растады.

"Қосымша айта кетейін, тергеу барысында әртүрлі залал сомасы айтылғанын білесіздер. Қазіргі уақытта 3,5 миллиард теңге мөлшеріндегі залал сомасына тоқтадық. Қылмыстық жолмен алынған ақшаны заңдастыру деректері туралы бұған дейін де айтқанмын. Қылмыстық жолмен алынған ақшаны заңдастыруға қатысты, дәл осы жерде Перизат Қайрат гүл дүкенін сатып алуға ақша салған. Осылайша, ол өзін бизнес-леди және бизнес кеңістікте ақша табатындай көрсетті", - деді Елемесов

Бұдан бөлек, Перизат Қайраттан тәркіленген мүліктің болашақтағы тағдыры туралы сұрады.

"Бұл мүліктің тағдырын сот шешеді: не ол жәбірленушілерге келтірілген шығынды өтеуге жұмсалады, не мемлекеттің кірісіне беріледі. Соған байланысты, мүлікке қатысты одан әрі шешімдер қабылданады", – деп толықтырды спикер.