Белгілі актер Шәріп Серік сүйіктісі Әлия Ботееваны соққыға жықты. Бұл туралы ол  Instagram парақшасындағы жазбасында жариялады, деп хабарлайды KYN.KZ ақпарат агенттігі.

Желідегі видеода Шәріптің қызды лифтіде жұлқылап шығарғаны көрінеді. Айтуынша, өзіне жігітінің қол көтергенін жасырып қалғысы келмеген.

«Сүйіктісі қол көтерген қыздың біреуі мен болатыным үш ұйықтасам түсіме кірмеген. Бірақ бұл менің де басымнан өтті. Егер мен бұл туралы айтпасам, онда өзімді сатқаным болмақ. Егер айтпасам, онда менің жақсы оқу оқып, тәрбие алуым үшін профессор болмай тұрып еден жуған әкемді атқаным болар еді. Ағам екеуміз нағыз отбасында өсуіміз үшін өз мансабынан бас тартқан анамды сатқаным болар еді. Мен физикалық жағынан әлсіз болсам да, мораль тұрғысынан қабылдауға болмайтын нәрсені айтпай, үндемей қоя салатындай әлсіз адам емеспін. Мен өзімді және өз абыройымды қорғауға мәжбүрмін», - деп жазды ол.

Сонымен қатар блогер дәл осындай жағдайды басынан өткеріп жатқан әр қызға бұның дұрыс нәрсе емес екенін айтты.

Шәріп Серік – «Біздің жігіттер» («Районы» ), «Наурыз», «Шекер» т.б. фильмдеріне түскен. 

 

 

 

 

Посмотреть эту публикацию в Instagram

 

 

 

 

 

 

 

 

 

 

 

Публикация от Aliya Booteyeva (@aliya_booteyeva)