Алматыда жартылай марафонға қатысқан екі адам қайтыс болды, деп хабарлайды KYN.KZ.

Ресми мәліметтерге сәйкес, 20 сәуірде Almaty Half Marathon кезінде 84 жастағы Ақкоян Рсалиев пен 21 жастағы Нурбол Ахмади қайтыс болды. Екеуі де  жартылай марафонның (21,1 шақырым) дистанциясын бағындыру кезінде көз жұмған. Олардың екеуі де  Алматыдағы жүгіру жарыстарының тұрақты қатысушылары болған.

Ұйымдастырушылар регламентке сәйкес әрекет етті: медициналық қызметтер, жедел қызметтер және полиция жедел әрі уақытында жұмыс істеді. Қабылданған шараларға қарамастан, қатысушылардың өмірін сақтап қалу мүмкін болмады.

Жартылай умарафон 20 сәуірде таңертең Бірінші Президент паркінен Орталық стадионға дейінгі маршрут бойынша өтті. Ақкоян Рсалиев 2021 жылдан бері жарыстарға тұрақты қатысып келеді. Ол бұрын Almaty Half Marathon және Almaty Marathon жарыстарында 21,1 шақырым және 10 шақырым дистанцияларын сәтті бағындырған.

20 сәуірдегі жартылай марафон кезінде, дистанцияның бірінші шақырымында Әл-Фараби даңғылында ер адамның жағдайы күтпеген жерден нашарлаған. Бір минут ішінде   жедел жәрдем бригадасы оған жеткен, бірақ, пульсы болмаған.

"08:15 те ПД қызметкерлері қатысушының құлағанын хабарлады. Жедел жәрдем бір минут ішінде келді, пульсы болмады. Реанимациялық шаралар протоколға сәйкес жүргізілді. Алдын ала қорытынды - өкпе артериясының тромбоэмболиясы. Созылмалы артериалды гипертензия болды", - деді бригада дәрігері Әлібек Хожаназаров.

Екінші қайтыс болған марафон қатысушысы - Нурбол Ахмади - бұрын Winter Run 2025 жүгіру жарысында 10 шақырымдық дистанцияда қатысқан, Астанадағы және Алматыдағы  жартылай марафонға, сондай-ақ Алматыдағы марафонға тіркелген.

20 сәуірде Алматыда жартылай марафон кезінде 16 шақырым дистанциясында жүгіруші есінен танып қалды. Оқиға орнына жеткен дәрігерлер реанимациялық шаралар жүргізді. Алайда, нәтижесіз болды. Адам өлімі бригада келгенге дейін болған.

"Біз келгенде, 09:18 де ұйқы артериясында пульс болмады, тыныс алу болмады, қысым нөлге тең болды. Реанимациялық шаралар протоколға сәйкес жүргізілді. Нәтижесіз. Өлім 103 бригадасының келуіне дейін болды. Алдын ала диагноз - өкпе артериясының тромбоэмболиясы, жедел жүрек жетіспеушілігі", - деп түсіндірді Айгерім Есдәулетова, бригада дәрігері.

Медиктердің айтуынша, қатысушылардың өліміне себепті сот-медициналық сараптама нәтижелері бойынша белгілі болады, оның нәтижелері жақын арада туыстарына хабарланады.

Корпоративтік "Бірінші болу батылдық" қорының атқарушы директоры Салтанат Қазыбаева қатысушылардың қауіпсіздігі ұйымдастырушылардың басты назарында екенін айтты.

"Жарысқа тіркелу кезінде барлық қатысушылар спорттық іс-шараға қатысуға физикалық тұрғыдан дайын екендіктерін растайтын құжатқа қол қояды және өз денсаулығына толық жауапкершілікті өз мойнына алады. Бұл әлемде мұндай марафондарды өткізу кезінде қабылданған практика. Almaty Marathon қатысушылары үшін жыл бойы біз тегін ашық жаттығулар мен қауіпсіз жүгіру бойынша сарапшылармен дәрістер өткіземіз. Басталатын күні әрбір тамақтану пунктінде қажетті позициялармен медициналық қызметкерлер орналастырылады. Жүгіру маршруттары ПД және жедел медициналық қызметтермен бірлесе отырып, мұқият және алдын ала дайындалады", - деп қосты Салтанат Қазыбаева.

"Бірінші болу батылдық" корпоративтік қоры қайтыс болғандардың туыстарына көңіл айтады. Ұйымдастырушылар жүгірушілердің отбасыларымен байланысып, қайтыс болғандардың жақындарына материалдық көмек көрсетуді жоспарлап отыр.