Басты жаңалықтар
“Хутор бандасы”: Хасан Қасымбаевқа қатысты тергеу ісі аяқталды
- автор Томирис Тоныкөк
- Бүгін, 17:18
- 658

Тергеу барысында Хасан Қасымбаевтың үстінен ҚР Қылмыстық кодексінің бірнеше бабы бойынша іс қозғалған
“Хутор бандасы” қылмыстық тобының басшысы Хасан Қасымбаевқа қатысты тергеу ісі аяқталды, деп хабарлайды KYN.KZ ақпарат агенттігі Azattyq Rýhy сайтына сілтеме жасап.
Қазір тергеу органдары Қасымбаевқа қатысты жинақталған материалдарды сотқа жолдады. Тергеу аяқталып, істің сотқа жолданғанын редакцияға облыстық полицияның баспасөз қызметі растады.
Хасан Қасымбаев былтыр қараша айында ұсталып, қамалған болатын. Тергеу барысында оның үстінен ҚР Қылмыстық кодексінің бірнеше бабы бойынша іс қозғалған. Атап айтқанда:
- Адам ұрлау (ҚК 125-бап)
- Бопсалау (ҚК 194-бап)
- Денсаулыққа қасақана зиян келтіру (ҚК 107-бап)
Ұсталған сәтте Хасан Қасымбаевтың туған ағасы Аслан Қасымбаев Талғар ауданы әкімі аппаратының басшысы қызметін атқарып жүргені анықталды. Аталған дерек те қоғам назарын аудартқан болатын. Кейін ол қызметінен кетті.