«Қазгидромет» синоптиктері 29, 30 және 31 мамыр күндеріне арналған ауа райы болжамын жасады, деп хабарлайды KYN.KZ ақпарат агенттігі.

Суық антициклон еліміздің шығыс бөлігіне әсер етеді. Түнде кейбір аймақтарда -3 градусқа дейін аяз күтіледі.

Оңтүстік-шығыс өңірлеріне де суық температура әсер етпей қоймайды. Күндіз +20, +25 градусқа дейін ғана жылы ауа райы сақталады.

Алайда Иран аймақтарынан келетін жылы ауа массалары елдің батысына әсер етеді. Күн ыстық әрі құрғақ болады, ауа +33...+38 градусқа дейін жылынады.